صح احتاجلك

تجرحني شكثر لكن عشكَتگ موت
بس بالك تفكّر تجرح احساسي


ومن يوم العرفتك لا ولا مرتاح
بس تبقه محبتك وانت اعز ناسي


ما اعرف قدر ربي بلاني بيك
لو يمكن سحر خلاّك وهواسي


هم شايف بشر يقسي مع الحبّوه
والحبّه يكّله عنه مو قاسي


يا جمرالعشگ روحي تريدك نار
اشعلني شعل واحرگ لي انفاسي


موبيك الذنب كل الذنب بالروح
من تسأل واكَلّك علتي بساسي


حبّيتك نعم بس غلطة الشطار
طلعت مو ألف بس للرقم ناسي


ومابعتك ابد تعرف لان ليش ؟؟؟
مدمن عالعشگ وانت الصرت كاسي